滑滑嘟嘟,似猪膏咁滑~讲紧嘅係呢杯喺新加坡大受欢迎,味道似豆腐花,但口感又似滑溜布丁嘅豆花 布丁 !但……唔通要去新加坡先有得食?!非也!我哋介绍得当然唔会啦,依家去旺角都有得食,仲有五款口味拣!心大心细?唔知拣咩味好?记者即刻试俾你睇!

弃用石膏粉 海藻胶原助凝固

去新加坡一啲出名小店买豆花 布丁 ,繁忙时间都可能要排长龙!店主见豆花 布丁 咁受欢迎,就将佢哋由新加坡引入香港,呢间舖头係加盟店,总店始于新加坡,製作上就照足当地配方,材料用有机黄豆,弃用石膏粉。吓?唔加石膏粉,咁用乜野令个 布丁 凝固架?问负责人,原来其中一个秘方係以海藻提炼嘅胶原辅助凝固,话食落有助皮肤靓啲喎!(係真唔係架?!)

新加坡人气豆花 布丁 新店登陆旺角
五款口味晒冷!
新加坡人气豆花 布丁 新店登陆旺角
食之前可加入班兰糖浆,增加甜味。
新加坡人气豆花 布丁 新店登陆旺角
布丁质地好滑溜

店内依家有五款口味嘅豆花 布丁 ,包括原味、杏仁、黑芝麻、朱古力麦精、同奶茶味,依家就逐只味话你知!

原味布丁 充满豆香

第一个试嘅係原味 布丁 ,食之前就加咗班兰糖浆。 布丁 真係超级滑!一下子就滑咗入口中。食到有微微嘅班兰香味,但唔人工,几自然,而 布丁 有好香豆味,似係「食」紧一杯香浓嘅豆浆。

新加坡人气豆花 布丁 新店登陆旺角
摩豆原味布丁试业优惠价:$22

童年回忆 朱古力麦精味

细个去茶餐厅,见爸爸叫鸳鸯饮,又想饮下,但佢话:「细路仔唔好饮咁多咖啡奶茶」,就叫咗杯儿童鸳鸯俾我啦(Menu上面无,但伙记又知係乜),其实係阿华田加好立克,饮落都几甜下。仲以为呢杯儿童鸳鸯味 布丁 都係咁甜,但又唔係喎,食落有好浓嘅朱古力香味同埋麦香味,唔太甜。

新加坡人气豆花 布丁 新店登陆旺角
儿童鸳鸯(朱古力味+麦精味)试业优惠价:$22

台式口味 茶香突出

呢杯奶茶味 布丁 ,视觉上颜色似儿童鸳鸯味,两者都係啡啡地色,杯上无贴纸标籤,我问负责人点分到,佢话:「我哋做开好易就分到架啦!」,细睇之下,奶茶味嘅啡色係淡色少少嘅!个 布丁 有阵红茶味,但无茶嘅苦涩味,夹埋本身 布丁 原有嘅豆味,都几香!

新加坡人气豆花 布丁 新店登陆旺角
奶香红玉(奶茶) 试业优惠价:$22

 

黑芝麻布丁 OL之选

芝麻糊豆腐花呢个经典组合,依家都融入咗豆花 布丁 之内,个名仲叫「黑丝诱滑」?唔好谂咗其他野,呢个名无非想话呢个黑芝麻 布丁 有丝滑口感啫。负责人话试业期间,呢种口味多OL拣,话黑芝麻养颜喎,係咪真係work?

新加坡人气豆花 布丁 新店登陆旺角
黑丝诱滑(黑芝麻)试业优惠价:$22

传统口味 杏味香浓

除咗黑芝麻味之外,亦有其他传统口味嘅 布丁 ,好似呢个杏仁味咁,食落有浓浓杏仁香,配埋滑嘟嘟口感,就好似食紧杏仁豆腐咁。

新加坡人气豆花 布丁 新店登陆旺角
杏福佳人(杏仁)试业优惠价:$22
新加坡人气豆花 布丁 新店登陆旺角
店前有部冷风机吹啲冷气出嚟,企喺附近食都无咁热。

店舖7月1 号已经开始试业,试业期间,每杯豆花 布丁 都係$22,价钱抵唔手抵…见仁见智啦!未知之后会唔会加价。而7月19号将会正式开张,负责人预告开张后将会有新产品推出,到底係乜?大家要密切留意我哋新假期嘅报道!

 

Modos

地址:旺角花园街174号A1舖

营业时间:12pm-11pm

联络电话:2833 5618